Për ditën e diel, 27 shtator 2026, territori shqiptar do të ndikohet nga kushte atmosferike relativisht të qëndrueshme. Moti parashikohet me kthjellime dhe alternime vranësirash mesatare, të cilat hera-herës do të bëhen të dendura, veçanërisht përgjatë relieveve malore.
Në këto zona, vranësirat e dendura do të shoqërohen me reshje shiu të dobëta dhe të herëpashershme. Gjatë orëve të pasdites, moti pritet të jetë kryesisht i kthjellët në pjesën më të madhe të territorit.
Era do të fryjë me drejtim verilindje-veriperëndim, me një shpejtësi mesatare prej 9 m/s. Përgjatë vijës bregdetare dhe në zonat luginore, shpejtësia e erës parashikohet të jetë më e lartë, duke arritur vlerat 16-18 m/s. Valëzimi në dete pritet të jetë i forcës 3-4 ballë.