Për ditën e hënë, 21 shtator 2026, territori i vendit do të ndikohet nga kushte atmosferike relativisht të paqëndrueshme. Moti pritet të nisë me kthjellime, të cilat gradualisht do t'ia lënë vendin vranësirave mesatare deri të dendura në të gjithë territorin.
Në pjesën më të madhe të vendit parashikohen reshje shiu me intensitet kryesisht të ulët, të cilat do të nisin nga orët e mesditës dhe do të vijojnë deri në pasditen vonë. Në mënyrë të izoluar, përgjatë relieveve malore, reshjet mund të shoqërohen me shtrëngata dhe shkarkesa elektrike.
Era do të fryjë me drejtim verilindje-veriperëndim, me një shpejtësi mesatare prej 7 m/s. Përgjatë vijës bregdetare, veçanërisht në zonën jugperëndimore, si dhe në zonat luginore, shpejtësia e erës pritet të rritet deri në 17 m/s. Ndërkohë, valëzimi në detet Adriatik dhe Jon parashikohet të jetë i forcës 1-2 ballë.