Ditën e mërkurë, vendi ynë do të ndikohet nga kushte atmosferike relativisht të qëndrueshme. Moti parashikohet i kthjellët, ndërsa vranësirat do të jenë mesatare e lokalisht të dendura në zonat malore, gjatë orëve të mesditës deri pasdite.
Sipas parashikimeve, në relievet malore të juglindjes dhe jugut priten reshje të dobëta dhe afatshkurtra shiu. Në mënyrë të izoluar, në relievet e larta malore, reshjet do të shfaqen në formën e shtrëngatave.
Era do të fryjë me drejtim juglindje – jugperëndim me një shpejtësi mesatare prej 8 m/s. Ndërkohë, valëzimi në detet Adriatik dhe Jon parashikohet të jetë i forcës 1-3 ballë.