Për ditën e martë, territori i Kosovës do të karakterizohet nga mot me diell dhe vranësira të pjesshme. Sipas njoftimit zyrtar nga Instituti Hidrometeorologjik i Kosovës, gjendja meteorologjike do të ndryshojë gjatë pjesës së dytë të ditës.
Shtohen vranësirat, të cilat në zona të caktuara do të krijojnë kushte për reshje lokale shiu, të shoqëruara me shkarkesa rrufesh. Vlerat e temperaturave minimale do të variojnë nga 10 deri në 13 gradë Celsius, ndërsa temperaturat maksimale ditore do të arrijnë vlerat midis 25 dhe 27 gradë Celsius.
Sa i përket erës, ajo do të fryjë nga verilindja, me një shpejtësi që do të lëvizë në intervalin 1 deri në 9 metër për sekondë.