Për ditën e shtunë, Shërbimi Meteorologjik Ushtarak njofton se territori shqiptar do të ndikohet nga kushte të qëndrueshme atmosferike. Moti parashikohet i kthjellët, si dhe me vranësira të pakta deri mesatare, të cilat do të shfaqen nga orët e mesditës deri në ato të pasdites, duke qenë më të theksuara në zonat malore në lindje të vendit.
Temperaturat maksimale pritet të shkojnë deri në 31 gradë Celsius. Era do të fryjë me drejtim nga juglindja në veriperëndim, me një shpejtësi mesatare prej 6 m/s. Për sa i përket situatës detare, parashikohet një valëzim i lehtë me forcën 1 deri në 2 ballë.