Kryesia e Partisë Demokratike të Kosovës do të mblidhet sot, më 6 tetor 2026, në orën 10:00. Takimi zhvillohet në një moment vendimtar, pasi në mesnatë skadon afati kushtetues për zgjedhjen e Presidentit të ri. Nëse deri në këtë kohë nuk ka një epilog për kreun e shtetit, vendi rrezikon të futet në procesin e katërt zgjedhor brenda një harku kohor prej dy vjetësh.
Ndërkohë, përpos zhvillimeve brenda partisë, për ditën e sotme është planifikuar edhe një aktivitet në shesh. Platforma “Jo në emrin tim” ka njoftuar mbajtjen e një proteste popullore në orën 12:00. Përmes kësaj proteste, pjesëmarrësit synojnë të kërkojnë miratimin e ndryshimeve në Ligjin për Gjykatën Speciale.