Skuadra Partizani U-19 është shpallur fituese e Kupës së Shqipërisë për moshat U-19. Në finalen e zhvilluar kundër Teutës, të kuqtë arritën fitoren me rezultatin 3-0.
Goli i parë u shënua në minutën e 43-të nga Banushi. Pak minuta më vonë skuadra mbeti me dhjetë lojtarë pas kartonit të kuq të Qamilit. Megjithatë, Partizani ruajti kontrollin e lojës edhe në pjesën e dytë.
Qokthi vulosi suksesin me dy gola të shënuar në minutat 76 dhe 90. Në përfundim të ndeshjes u zhvillua ceremonia e organizuar nga FSHF, gjatë së cilës anëtari i Komitetit Ekzekutiv Gjergji Petro dorëzoi trofeun dhe medaljet skuadrës fituese.