Partia Demokratike e Kosovës ka mbledhur sot kryetarët e degëve të saj, pas mbledhjes së Kryesisë, pak para fillimit të seancës së Kuvendit për zgjedhjen e presidentit.
Kryetari i PDK-së, Bedri Hamza, në një postim në Facebook, ka kërkuar mobilizim të plotë të strukturave partiake në të gjithë vendin. Ai ka paralajmëruar se, nëse sonte procedohet me këtë zgjedhje antikushtetuese, do të ketë reagim të organizuar politik, institucional dhe qytetar.
PDK rithekson se do të kundërshtojë çdo veprim të pushtetit që bie ndesh me Kushtetutën dhe rendin juridik. Partia angazhohet në të gjitha format demokratike dhe institucionale për mbrojtjen e Kushtetutës dhe Republikës.
Sipas PDK-së, ajo do të jetë në ballë të përpjekjeve politike dhe qytetare për të ndaluar përmbysjen e rendit kushtetues.