Komisioni i Ligave dhe Garave pranë FSHF-së ka përcaktuar datën, orarin dhe stadiumin për ndeshjen play-off të Kategorisë së Parë midis Kukësit dhe Butrintit.
Takimi do të zhvillohet më 28 maj në orën 15:00, në stadiumin Arena Egnatia në Rrogozhinë. Kjo ndeshje do të përcaktojë ekipin që do të marrë pjesë në Kategorinë e Parë për sezonin sportiv 2026/27.
Rrëzimi i Bylisit nga Superliga dhe ngjitja e Bylis B në Kategorinë e Parë krijuan një vend vakant. Kukësi dhe Butrinti, të cilët kishin humbur përballjet kundër Bylis B, do të ndeshen në këtë finale për të zënë atë pozicion.