Delegacionet ruse dhe ukrainase i kanë dhënë fund ditës së parë të bisedimeve të paqes të ndërmjetësuara nga SHBA-të në Gjenevë, një javë para përvjetorit të katërt të pushtimit të plotë të Ukrainës nga Moska.
Negociatori kryesor ukrainas, Rustem Umerov, tha se negociatat do të vazhdojnë në qytetin zviceran të mërkurën në mëngjes, shkruan BBC.
Shpresat për një përparim gjatë raundit të fundit – të tretë – të bisedimeve trepalëshe janë të pakta, pasi Kremlini nuk është lëkundur nga kërkesat e tij maksimaliste për territorin ukrainas.
Sulmet ruse në Ukrainë vazhdojnë çdo natë, duke dëmtuar më tej rrjetin elektrik tashmë të dëmtuar të vendit, ndërsa temperaturat nën zero vazhdojnë.
Vetëm disa orë para se delegacionet të takoheshin në Gjenevë, Rusia kreu një sulm të madh ajror të kombinuar ndaj Ukrainës, duke goditur 12 rajone me 400 dronë dhe pothuajse 30 raketa. Të paktën tre persona u vranë, thanë zyrtarët ukrainas.
Përditësime
Dmitry Peskov deklaroi se nuk pritet ndonjë lajm sot nga bisedimet në Gjenevë, të cilat vazhdojnë të mërkurën.
Ndërmjetësuesit amerikanë ishin Steve Witkoff, i dërguari i Trump-it, dhe Jared Kushner.
Delegacioni ukrainas përfshinte Kyrylo Budanov-in, ndërsa ai rus Vladimir Medinsky-n dhe figura inteligjence.
Ministri ukrainas i Jashtëm Andrii Sybiha tha se sulmet ruse tregojnë nënvlerësimin e tyre ndaj paqes.
Rusia raportoi rrëzimin e mbi 150 dronëve ukrainas, si dhe një rafineri nafte në flakë nga sulm ukrainas.
Donald Trump kërkoi që Ukraina të ulet sa më shpejt në tavolinë, duke thënë se ka humbur durimin.
Rusia kontrollon rreth 20% të Ukrainës, me afat të dhënë SHBA-së deri në qershor.