Kryeministri Edi Rama ka ndarë pamje nga transformimi i gjimnazit "Kolë Idromeno" në Shkodër, pas përfundimit të punimeve të rikonstruksionit. Postimi u bë më 29 janar 2026 në rrjetet sociale.
Në mesazhin e tij, Rama thekson se shkolla posedon tani hapësira të rinovuara dhe infrastrukturë moderne, duke përfshirë laboratorë inteligjentë, terrene për aktivitete sportive, si dhe ambiente për arte dhe zeje.
Investimi ka ruajtur elementet lokale të qytetit dhe ka rikthyer dinjitetin e emrit të piktorit dhe arkitektit të shquar Kolë Idromeno. Objekti shërben për rreth 400 nxënës, mësuesit dhe gjithë komunitetin e Shkodrës.
"MIRËMËNGJES dhe me këtë pamje krejtësisht të re të gjimnazit ‘Kolë Idromeno’ në Shkodër, me hapësira të rinovuara dhe infrastrukturë moderne, nga laboratorët inteligjentë te terrenet për aktivitete sportive, arte dhe zeje, falë një investimi që ruan elementet lokale të qytetit dhe rikthen dinjitetin e emrit të piktorit dhe arkitektit të shquar që mban, në shërbim të rreth 400 nxënësve, mësuesve dhe gjithë komunitetit, ju uroj një ditë të mbarë!"