Një përleshje fizike ka ndodhur pasditen e së shtunës, rreth orës 18:30, në rrugën Bajram Bahtiri në Prishtinë, ku tre meshkuj, njëri prej tyre i mitur, u sulmuan reciprokisht pas një mosmarrëveshjeje.
Sipas raportit 24-orësh të Policisë së Kosovës, të dyshuarit përdorën mjete të forta dhe një thikë. Policia ndërhyri në vendngjarje dhe konfiskoi mjetet e përdorura si prova materiale.
Të tre personat pësuan lëndime dhe morën trajtim mjekësor. Me vendim të prokurorit, ata u ndaluan për 48 orë, ndërsa rasti po hetohet për veprat penale "lëndim i lehtë trupor", "sulm", "kanosje" dhe "armëmbajtje pa leje".