Reshjet e dendura të shiut përfshiu qytetin e Lezhës më 21 prill 2026, duke krijuar probleme në disa zona urbane dhe vështirësi në qarkullimin e këmbësorëve dhe automjeteve.
Situata më problematike u regjistrua në lagjen Besëlidhja, të njohur ndryshe si lagjja Skënderbeg, ku intensiteti i lartë i reshjeve dhe mbingarkesa e sistemit të kanalizimeve çuan në daljen e ujit në sipërfaqe. Uji u grumbullua veçanërisht në bllokun e banimit 11 Janari, duke kufizuar lëvizjen e banorëve dhe duke vështirësuar qarkullimin rrugor.
Banorët e zonës shprehen se ky fenomen përsëritet prej vitesh. Familjarët dhe bizneset lokale kanë ankuar për pasojat e përsëritura.
Nënkryetari i Bashkisë së Lezhës, Fatjon Zefi, bën me dije se fenomene të ngjashme mund të ndodhin gjatë reshjeve të pranverës, por ndërhyrjet për disiplinimin e ujërave të bardha dhe të zeza pritet t’i japin zgjidhje përfundimtare problemit. Këto punime zhvillohen në kuadër të projektit për rehabilitimin dhe zgjerimin e rrjetit të kanalizimeve.
Pas ndërprerjes së reshjeve, situata u përmirësua gradualisht, niveli i ujit u tërhoq dhe lëvizja në zonat e prekura u normalizua.