Një person është gjetur i pajetë në zonën e Plepave në qytetin e Durrësit këtë të enjte, i dyshuar se ka mbytur për shkak të përmbytjeve.
Menjëherë pas njoftimit, forcat e Policisë kanë mbërritur në vendngjarje dhe po kryejnë veprimet hetimore të nevojshme. Ato po punojnë për identifikimin e viktimës dhe për zbardhjen e rrethanave të ngjarjes.
Deri tani, identiteti i personit nuk është bërë i njohur. Trupi i pajetë është transportuar drejt morgut të qytetit të Durrësit, ku do t'i nënshtrohet ekspertizës mjeko-ligjore për të përcaktuar shkakun e saktë të vdekjes.
Policia vazhdon hetimet për të sqaruar plotësisht ngjarjen.