Sipas të përditshmes franceze L’Equipe, pushimi mes pjesëve të ndeshjes gjysmëfinale të Kupës së Botës mes Francës dhe Spanjës është shoqëruar me tensione në dhomat e zhveshjes. Sulmuesi i Paris Saint-Germain, Ousmane Dembélé, ka shprehur pakënaqësi të hapur lidhur me mënyrën e lojës së skuadrës në pjesën e parë.
Dembélé u ka kërkuar shokëve të skuadrës një organizim më të mirë në fazën e presionit ndaj kundërshtarit. Ai ka theksuar se mungesa e koordinimit në mbrojtje po u lejonte lojtarëve spanjollë të kontrollonin lojën dhe të krijonin hapësira të rrezikshme. Megjithatë, mënyra e komunikimit të këtyre kritikave nuk është pritur mirë nga një pjesë e lojtarëve, duke shkaktuar debat brenda dhomave të zhveshjes.
Kjo situatë e tensionuar ndodhi në një moment vendimtar, kur përfaqësuesja franceze po kërkonte zgjidhje taktike për të përmbysur rezultatin. Pavarësisht diskutimeve dhe përpjekjeve në pjesën e dytë, Franca nuk arriti të ndryshonte rrjedhën e ndeshjes, duke u eliminuar nga ky kompeticion.