Protesta e opozitës para Kuvendit të Shqipërisë ka përshkallëzuar në përplasje mes forcave të policisë dhe demonstruesve. Ngjarja ndodhi më 24 janar 2026, pas zhvendosjes së protestës nga sheshi para Kryeministrisë, ku kreu i Partisë Demokratike, Sali Berisha, mbajti një fjalim.
Forcat e rendit reaguan duke shpërndarë turmën me ujë dhe gaz lotsjellës, sipas raporteve nga vendi i ngjarjes. Protestuesit kundërpërgjigjur duke hedhur pllaka nga trotuari drejt efektivëve policorë, siç shihet në videot e transmetuara live.
Tymi i gazit lotsjellës u përhap në një perimetër të gjerë, duke vështirësuar lëvizjen e qytetarëve dhe punën e mediave në zonë. Gazetari Isa Myzyraj, i pajisur me maskë anti-gaz, raportoi se situata nuk është e mirë dhe qytetarët janë larguar përkohësisht nga zona.
Autoritetet e sigurisë vazhdojnë të monitorojnë zhvillimet për të ruajtur rendin publik.
Përditësime
Shkëlzen Berisha u paraqit para Kuvendit. Protestuesit hodhën gurë dhe kokteje Molotov, duke lënduar disa efektivë policie që trajtohen në spital. Policia arrestoi 20 protestues. Deputeti Besart Xhaferri u përplas fizikisht me policinë, duke thirrur «Plefra, lëri çunat». Dritat e rrugës u fikën. Berisha dhe deputetë të PD-së dhanë deklarata të reja.
Deputetët Luciano Boçi dhe Flamur Noka kryesuan protestën para Kuvendit, e cila zgjati gati 4 orë dhe përfshiu përdorimin e fishekzjarreve nga protestuesit.
Sali Berisha nuk i drejtoi personalisht protestuesit te Kuvendi, por deklaroi se protesta kreu misionin e saj nga selia e PD-së.
Policia shoqëroi një të mitur.
Autobusi i ujit i ndoqi protestuesit deri në bulevardin pranë selisë së PD-së.