Para ndeshjes midis Juventusit dhe Galatasarayit, ndodhën përplasje mes tifozëve turq dhe policisë italiane jashtë stadiumit.
Sipas raporteve nga mediat lokale, tensionet filluan me konfrontime verbale mes një grupi tifozësh të Galatasarayit dhe forcave të rendit. Situata eskaloi shpejt, duke detyruar policinë të ndërhyjë për shpërndarjen e turmës.
Dëshmitarë okularë kanë bërë të ditur se u morën masa sigurie shtesë për të parandaluar përshkallëzimin e mëtejshëm. Disa tifozë u shoqëruan për verifikim identiteti nga autoritetet italiane.
Autoritetet ende nuk kanë publikuar numrin e saktë të të ndaluarve apo të lënduarve, nëse ka të tillë.