Një tërmet me magnitudë 5.5 goditi Perunë vonë të shtunën, duke shkaktuar pasoja të rënda në njerëz dhe infrastrukturë. Autoritetet vendase njoftuan të dielën se janë konfirmuar 5 viktima dhe 20 persona të lënduar.
Sipas të dhënave nga Shërbimi Gjeologjik i SHBA-së (USGS), lëkundjet ndodhën në orën 21:24 me orën lokale. Epiqendra u lokalizua 2 kilometra në jugperëndim të qytetit Sicaya, në provincën Huancayo.
Instituti Kombëtar i Mbrojtjes Civile të Perusë raportoi se rreth 300 persona janë zhvendosur nga banesat e tyre për shkak të dëmeve dhe shembjeve të ndërtesave. Ekipet e emergjencës kanë nisur operacionet e kërkim-shpëtimit, ndërsa autoritetet deklaruan se numri i personave të zhdukur mbetet ende i panjohur.