Turqia do të përballet me Kosovën në finalen e play-off-it të kualifikueseve evropiane për Kupën e Botës 2026, të martën në mbrëmje në Prishtinë. Kjo ndeshje është vendimtare për një biletë në Botëror.
Kombëtarja turke arriti në finale pas fitores 1-0 ndaj Rumanisë në gjysmëfinale. Përzgjedhësi Vincenzo Montella është nën presion për zgjedhjen e formacionit startues. Sipas raportimeve të gazetës turke Sözcü, ka presion të madh që ai të mos i aktivizojë nga minuta e parë lojtarët Samet Akaydin, Barış Alper Yılmaz dhe Kerem Aktürkoğlu.
Trajneri italian nuk po i merr parasysh këto presione. Ai do të përfundojë analizën e ekipit kosovar dhe do të vendosë vetë për formacionin, me mbështetje të plotë nga federata turke.
Alternativa në formacion
• Për mbrojtjen, nëse rikuperohet në kohë, Merih Demiral pritet të zëvendësojë Samet Akaydin, ndërsa Ozan Kabak është një alternativë tjetër.
• Në mesfushë, nëse vendos të mos e aktivizojë Ismail Yüksek, mund t’i japë një mundësi Orkun Kökçü.
• Për krahun ofensiv, alternativa për Barış Alper Yılmaz janë Yunus Akgün, İrfan Can Kahveci dhe Oğuz Aydın.
Përditësime
Përzgjedhësi i Turqisë bën të ditur formacionin e mundshëm ndaj Kosovës: Çakır; Kadıoğlu, Abdülkerim, Akaydin, Çelik; Çalhanoğlu, Yüksek; Alper, Güler, Yıldız, Aktürkoğlu.
Ndryshimi i vetëm nga formacioni ndaj Rumanisë është Zeki Çelik që zëvendëson Mert Müldür.
Hakan Çalhanoğlu rikthehet nga lëndimi në mesfushë.