Ditën e enjte, më 8 janar 2026, lundrimi i linjës së tragetit Korfuz-Sarandë dhe anasjelltas është pezulluar plotësisht. Ky vendim është marrë nga Kapiteneria e Portit të Sarandës për shkak të kushteve të vështira atmosferike në zonë.
Dallgëzimi i detit arrin deri në 6 ballë, ndërsa era fryn me shpejtësi rreth 12 m/s në drejtim nga veriu-perëndimi. Këto kushte rrisin rrezikun për udhëtarët dhe peshkatarët, duke e bërë të pamundur lundrimin e sigurt.
Si masë parandaluese, është ndaluar gjithashtu dalja në det e anijeve të peshkimit. Autoritetet portuale njoftojnë se këto kufizime zbatohen për të mbrojtur sigurinë e personave dhe mjeteve detare.
Qytetarët dhe operatorët detarë u thirrhen të respektojnë udhëzimet zyrtare dhe të ndjekin njoftimet për përditësime të mëtejshme mbi situatën e motit.