Kapiteneria e Portit Vlorë ka njoftuar se nga ora 14:00 e së martës, 3 shkurt 2026, deri në orën 06:00 të së enjtes, 5 shkurt 2026, ndalohet pajisja me leje-nisje e mjeteve të vogla lundruese dhe atyre të peshkimit brenda gjirit të Vlorës dhe në det të hapur.
Kushtet hidrometeorologjike pritet të përkeqësohen me erë nga drejtimi jug–juglindje deri në forcë 8-9 ballë, shpejtësi 30-45 m/s dhe lartësi dallgësh nga 3.5 deri në 6.5 metra.
Autoritetet detare kërkojnë bashkëpunim nga subjektet dhe institucionet që ushtrojnë veprimtari detare për të marrë masa të nevojshme:
- Sigurimi i mjeteve në port;
- Rritja e gatishmërisë së ekuipazheve;
- Shmangia e daljeve në det, sidomos në oraret më të ashpra.
Anijet e transportit ndërkombëtar detar do të vazhdojnë të operojnë normalisht sipas destinacioneve përkatëse. Përmirësimi i situatës për mjetet e vogla parashikohet pas orës 06:00 të 5 shkurtit.
Përditësime
Kapiteneria e Portit Vlorë njofton një ndalim të ri vetëm për mjetet detare që operojnë jashtë gjirit të Vlorës, në det të hapur. Ndalimi hyn në fuqi në orën 10:00 të 17.02.2026 dhe zgjat deri në orën 06:00 të 18.02.2026.