Ngjarja ka ndodhur rreth orës 17:30 në lagjen nr. 1 të qytetit të Durrësit. Sipas informacioneve paraprake nga autoritetet policore, 61-vjeçari Fatmir Ferhati dyshohet se për motive të dobëta ka qëlluar me armë zjarri në drejtim të avokatit Elton Shllaku, 52 vjeç. Nga të shtënat, avokati ka marrë një plagë në dorë dhe është dërguar për ndihmë mjekësore në Spitalin Rajonal të Durrësit, ku ndodhet jashtë rrezikut për jetën.
Shërbimet e Policisë kanë mbërritur menjëherë në vendin e ngjarjes dhe kanë ngritur pika kontrolli për të bërë të mundur kapjen e autorit të dyshuar, i cili është larguar menjëherë pas incidentit. Grupi hetimor, nën drejtimin e Prokurorisë, po vijon veprimet procedurale për të zbardhur rrethanat e sakta të këtij incidenti, ndërsa mbetet ende për t'u sqaruar nëse motivi i ngjarjes lidhet me detyrën e avokatit apo me një konflikt tjetër të çastit.