Një ngjarje kriminale është shënuar këtë të enjte në zonën e Shëngjinit, ku një i ri ka mbetur i plagosur me mjet prerës (thikë). Ngjarja është regjistruar në rrugën e Kunës.
I plagosuri, shtetasi Renato Leka, rreth 30 vjeç, është paraqitur vetë në ambientet e Spitalit Rajonal të Lezhës rreth orës 16:20 për të kërkuar ndihmë mjekësore. Sipas njoftimit zyrtar të Policisë së Shtetit, shtetasi në fjalë ka pësuar një plagë në dorë. Mjekët kanë konfirmuar se ai ndodhet nën kujdesin e tyre dhe jashtë rrezikut për jetën.
Autoritetet kanë ngritur një grup të posaçëm hetimor për të zbardhur rrethanat e sakta të këtij incidenti. Puna hetimore përqendrohet aktualisht në sqarimin e motiveve të plagosjes, si dhe në identifikimin dhe kapjen e autorit ose autorëve të përfshirë në këtë ngjarje.