Policia e Kosovës, përmes Drejtorisë për Hetimin e Trafikimit me Narkotikë, ka asistuar në trajtimin e një rasti dhune në familje në rajonin e Ferizajt, ku dyshohej për posedim substancash narkotike. Me urdhër gjykate dhe në prani të një dëshmitari, forcat e rendit kanë kontrolluar pronën ku jetonte i dyshuari L.I., mashkull kosovar.
Gjatë kontrollit janë gjetur dhe konfiskuar si prova materiale:
• Substancë e dyshuar narkotike e llojit marihuanë, me peshë 86.7 gram;
• Substancë e dyshuar narkotike e llojit kokainë, me peshë 4.7 gram;
• Substancë e dyshuar narkotike e llojit marihuanë në formë çokollate, me peshë 40.2 gram;
• Një pistoletë me gaz, me një karikator dhe 6 fishekë;
• 400 euro në para prerë;
• Dy telefona mobil;
• Një pako me letra për mbështjellje narkotikësh;
• Një peshore digjitale.
Të gjitha veprimet hetimore janë kryer në bashkëpunim me Prokurorinë Themelore Ferizaj. Pas intervistimit, me aktvendim të prokurorit kujdestar, i dyshuari L.I. është dërguar në mbajtje.