Policia e Riminit arrestoi në flagrancë një 27-vjeçar shqiptar për posedim të lëndëve narkotike. Ngjarja ndodhi ditën e djeshme në zonën bregdetare të Miramare, ku patrullat e Skuadrës Fluturuese e ndaluan teksa drejtonte një skuter.
Ai u vu re më parë vazhdimisht duke hyrë dhe dalë nga një shtëpi pranë spitalit të Riminit, ku jetonte.
Gjatë kontrollit të menjëhershëm, iu gjetën gjashtë doza kokaine në xhepin e pantallonave dhe një shumë e konsiderueshme parash, të ndara në kartëmonedha me prerje të ndryshme, në një çantë marsup.
Në shtëpinë e tij u krye një kontroll i mëtejshëm, ku u zbuluan katër blloqe kokaine të vulosura me nxehtësi, 15 pako gati për shitje, me peshë totale 500 gramë. Gjithashtu, u sekuestruan 2.400 euro para dhe të gjitha materialet e nevojshme për paketimin e dozave.
I arrestuari, me precedent penal të pastër, por me qëndrim të paligjshëm në Itali për shkak të shkeljes së kohës së lejuar në zonën Shengen, u dërgua në burgun vendas. Ai u vu në dispozicion të autoritetit gjyqësor për vërtetim dhe do të nisin procedurat e dëbimit.