Policia e Shtetit reagoi ndaj videove të shpërndara në rrjetet sociale, ku dyshoheshin dy gra me shami duke komunikuar në mënyrë të dyshimtë me të mitur pranë një furgoni të kuq në Tiranë.
Strukturat e specializuara nisën menjëherë verifikimet dhe hetimet. Si rezultat, u identifikuan shtetaset me inicialet M. G. dhe A. G., të cilat u shoqëruan më 21.04.2026 në ambientet e Drejtoria Vendore të Policisë Tiranë për veprime procedurale të mëtejshme.
Nga verifikimet rezulton se këto janë shtetase iraniane të pajisura me leje qëndrimi në Republikën e Shqipërisë për arsye humanitare. Në përfundim të hetimeve paraprake, nuk konstatohen veprime të kundërligjshme ndaj të miturve.
Policia e Shtetit garanton qytetarët se nuk ekziston rrezik për sigurinë e të miturve në këtë rast. Materialet procedurale i janë referuar Prokurorisë pranë Gjykatës së Juridiksionit të Përgjithshëm Tiranë për vlerësim dhe ndjekje të mëtejshme.
Përditësime
Policia u bën thirrje qytetarëve të mos përhapin panik nga informacione të paverifikuara, sipas Mapo.
Policia e Shtetit konfirmoi se dy shtetaset iraniane të identikuara janë anëtare të kampit të Muxhahedinëve në Manzë.