Policia e Tiranës, konkretisht shërbimet e Komisariatit të Policisë Nr. 2, në drejtim të Prokurorisë së Tiranës, ka finalizuar operacionin e koduar “Filizat”. Gjatë këtij operacioni u ekzekutuan 8 masa sigurie ndaj shtetasve të akuzuar se shfrytëzonin fëmijët e tyre të moshave 9-11 vjeç për të punuar dhe lypur, kryesisht gjatë natës, në zona të ndryshme të juridiksionit të këtij komisariati.
Nga veprimet hetimore disamujore rezultoi se të pandehurit vepronin individualisht ose në bashkëpunim me njëri-tjetrin. Ndaj tyre zbatohet vepra penale “Keqtrajtimi i të miturit”. Materialet procedurale iu referuan Prokurorisë së Tiranës për veprime të mëtejshme.
Masat e sigurisë u caktuan si vijon:
• Arrest në burg për:
• Eles Brahimaj, 41 vjeç;
• Rakip Sinani, 35 vjeç;
• Mikel Rama, 35 vjeç;
• Miklovan Gogaj, 34 vjeç.
• Arrest në shtëpi për:
• L. B., 35 vjeçe;
• A. M., 41 vjeçe;
• M. S., 35 vjeçe;
• A. Sh., 35 vjeçe.
Përditësime
Policia e Shtetit zbuloi se të dyshuarit merrnin fëmijë nga Elbasani, pjesë e komunitetit rom, u jepnin lule për t'i shitur në rrugët e Tiranës dhe u merrnin paratë. Fëmijët punonin deri në orën 05:00 të mëngjesit, ktheheshin në Elbasan dhe rimarrnin pasdite. Aktiviteti dyshohet se kryhej prej kohësh.