Policia e Tiranës goditi një grup kriminal për vjedhje në territorin e Komisariateve Nr. 6 dhe Nr. 7. Në kuadër të operacionit të koduar “Harta”, u arrestuan shtetasit D. Ç., 31 vjeç, B. S., 56 vjeç dhe E. Gj., 33 vjeç, të tre banues në Elbasan.
Si rezultat i hetimeve intensive, u zbardhën 12 raste me autorë të dyshuar këta shtetas:
• më 4 dhjetor 2025, vjedhje parash në biznesin e shtetasit G. S., rrugën “7 Nëntori”;
• më 7 dhjetor 2025, vjedhje parash në biznesin e shtetasit O. V., autostradën Tiranë-Durrës;
• më 24 dhjetor 2025, vjedhje parash dhe sendesh me vlerë në banesën e shtetasit E. M., bulevardin “Migjeni”;
• më 8 shkurt 2026, vjedhje parash dhe sendesh me vlerë në banesën e shtetasit A. B., rrugën “Ribez”;
• më 10 shkurt 2026, vjedhje parash në një biznes në rrugën e Prushit;
• më 14 shkurt 2026, tentativë vjedhjeje në kompaninë e shtetasit A. B., rrugën e Prushit;
• më 22 shkurt 2026, tentativë vjedhjeje në kompaninë e shtetasit E. J., fshatin Vaqarr;
• më 25 shkurt 2026, tentativë vjedhjeje në kompaninë e shtetasit E. K., fshatin Fushë-Mëzez;
• më 25 shkurt 2026, tentativë vjedhjeje në kompaninë e shtetasit E. O., fshatin Fushë-Mëzez;
• më 15 shkurt 2026, tre tentativa vjedhjeje në tri kompani në fshatin Marikaj, në bashkëpunim me Komisariatin Nr. 7.
Gjatë operacionit u sekuestruan automjeti i përdorur për t'u zhvendosur te objektivat dhe veshjet e përdorura gjatë krimeve. Policia vijon hetimet për raste të tjera të mundshme. Materialet iu referuan Prokurorisë së Tiranës për veprime të mëtejshme.
Përditësime
Policia e Shtetit ka konfirmuar emrat e tre elbasanasve të arrestuar: Daniel Çela (31 vjeç), Bashkim Sollaku (56 vjeç) dhe Endri Gjeli (33 vjeç).