Njësia e hetimeve e stacionit policor në Kaçanik ka shoqëruar një 21-vjeçar, të identifikuar si D. K., për intervistim lidhur me posedimin e armës së zjarrit. Ngjarja ka ndodhur më 16 shkurt 2026, rreth orës 14:20.
Policia ka pranuar një informatë se D. K. posedonte armë zjarri. Pas kësaj, ka kryer bastisje në shtëpinë e tij në fshatin Kovaçec, ku ka gjetur dhe konfiskuar një pistoletë.
Gjatë intervistimit në stacionin policor, i dyshuari ka pranuar se arma ishte në pronësi të tij. Lidhur me rastin është njoftuar prokurori i shtetit dhe me urdhër të tij është iniciuar rasti penal "Mbajtje në pronësi apo kontroll i pa autorizuar i armëve".
Pas intervistimit, D. K. është liruar në procedurë të rregullt.