Gjatë fundjavës së datës 6 dhe 7 qershor 2026, në lokacione të ndryshme të rajonit të Pejës, Policia e Kosovës ka ndërmarrë një aksion për garantimin e rendit dhe sigurisë publike, duke konfiskuar një sasi armësh dhe pajisjesh të ndaluara.
Në listën e sendeve të sekuestruara nga autoritetet policore përfshihen:
• Një armë pistoletë e tipit Bereta
• Një armë gjuetie e tipit Uzumlu
• Një armë pistoletë e tipit M57
• Një armë pistoletë e tipit TT
• 25 fishekë
• 3 karikatorë
• Një jelek antiplumb
• Një thikë
• Një radiolidhje
Pas ndalimit të 6 personave dhe kryerjes së procedurave të intervistimit, me urdhër të prokurorit të shtetit, 5 persona janë liruar në procedurë të rregullt, ndërsa për 1 person tjetër është caktuar masa e ndalimit prej 48 orësh. Drejtoria Rajonale e Policisë në Pejë deklaroi se mbetet e përkushtuar në luftimin e dukurive negative dhe garantimin e sigurisë publike.