Policia e Tiranës nisi procedimin penal ndaj Adriatik Lapajt, kreut të lëvizjes Shqipëria Bëhet, dhe dy aktivisteve të tjerë, Edona Haklajt (E. H.) dhe A. B., lidhur me protestën para Kryeministrisë.
Sipas njoftimit zyrtar të Komisariatit të Policisë Nr. 1, specialistët për Hetimin e Krimeve referuan materialet në Prokurori.
Ata akuzohen për tre vepra penale: “Pushtimi i tokës”, “Organizimi dhe pjesëmarrja në grumbullime dhe manifestime të paligjshme” dhe “Prishja e qetësisë publike”.
Protesta vazhdon prej disa muajsh para godinës së Kryeministrisë. Mbrëmjen e së premtes, Adriatik Lapaj paralajmëroi dhe vendosi çadra, karrige e pankarta bashkë me aktivistët. Dhjetëra efektivë policie ndërhynë, hoqën materialet dhe ndodhën përplasje mes tyre dhe protestuesve.
Ky është procedim i ri ndaj Lapajt, i cili është proceduar më parë për arsye të ngjashme. Prokuroria ka nisur hetimet bazuar në materialet e Policisë.
Përditësime
Policia e Shtetit ka nisur procedim penal edhe ndaj shtetasisë M.P. për mosbindje ndaj urdhrave të policisë.