Strukturat e Policisë së Tiranës kanë njoftuar procedimin penal të 31 personave në lidhje me protestat që po mbahen në kryeqytet. Ky vendim vjen si pasojë e tubimeve që, sipas autoriteteve, kanë sjellë bllokimin e qarkullimit të mjeteve të transportit dhe shkelje të rendit publik.
Sipas njoftimit zyrtar, personat nën hetim janë: Sh. B., B. K., A. J., V. D., A. K., L. K., R. S., I. Rr., S. E., M. Y., J. S., E. L., I. Gj., F. H., I. M., K. P., R. Sh., E. Q., B. S., A. N., A. D., F. H., Xh. P., G. P., Sh. G., I. Xh., D. D., A. K., A. R., R. D. dhe A. K.
Këta shtetas dyshohet se kanë kryer veprat penale:
• Organizimi dhe pjesëmarrja në grumbullime e manifestime të paligjshme
• Prishja e rendit dhe qetësisë publike
• Pengimi i qarkullimit të mjeteve të transportit
Protesta, e cila ka hyrë në ditën e saj të 30-të, është zhvilluar në disa segmente rrugore të Tiranës, duke shkaktuar vështirësi në lëvizjen e trafikut. Policia bëri të ditur se hetimet vijojnë për të dokumentuar rrethanat e ngjarjes dhe për të verifikuar çdo pjesëmarrës që ka tejkaluar perimetrin e lejuar të tubimit. Materialet procedurale janë dërguar në Prokurori për veprimet e mëtejshme ligjore.
Përditësime
Policia e Shtetit saktësoi se protesta para Kryeministrisë ka hyrë në ditën e 29-të, duke korrigjuar raportimet e mëparshme për ditën e 30-të. Në vijim të këtyre tubimeve, policia ka proceduar penalisht 31 persona.