Dy raste të përdorimit të paautorizuar të armëve të zjarrit janë regjistruar së fundmi nga autoritetet policore në Kosovë. Në fshatin Sallabajë të Podujevës, më 17 shtator, Kastriot Nazifi dyshohet se ka shtënë tri herë në ajër gjatë një ahengu familjar. Policia sekuestroi një pistoletë të kalibrit 9x19 mm, bashkë me lejen për mbajtjen e saj, një karikator, një fishek dhe tri gëzhoja. I dyshuari është liruar në procedurë të rregullt pas intervistimit, ndërsa çështja po hetohet për mbajtje të paautorizuar të armës.
Ndërkohë, në Junik, në rrugën “Luan Haradinaj”, një tjetër incident u raportua më 18 shtator. Sherif Pepshi, 42 vjeç, është arrestuar pasi dyshohet se ka shtënë tetë herë me armë zjarri. Gjatë kontrollit, Policia sekuestroi një pistoletë TT M57, kalibër 7.62 mm, një karikator, 52 fishekë dhe 8 gëzhoja. I dyshuari është intervistuar në praninë e avokatit mbrojtës dhe, me urdhër të Prokurorit, është liruar në procedurë të rregullt. Rasti ndaj tij është iniciuar për veprat penale “Mbajtje në pronësi, kontroll ose posedim të paautorizuar të armëve” dhe “Përdorim të armës apo mjetit të rrezikshëm”.