Policia e Shtetit ka marrë masa sigurie pranë vilës së ish-diktatorit Enver Hoxha në Tiranë, në prag të protestës së opozitës. Midis selisë së Kuvendit dhe vilës është vendosur një autobot me ujë për të parandaluar incidente të mundshme.
Kjo masë vjen pas protestës së mëparshme, ku sipas disa burimeve militantët demokratë hodhën bomba molotov drejt vilës. Brenda saj ndodheshin artistë, të cilëve iu rrezikua jeta. Në atë rast, policia u përgjigj me gaz lotsjellës dhe ujë me piper.
Masa të ngjashme janë marrë edhe në institucione të tjera:
- Rrethim i Kryeministrisë dhe selisë së Kuvendit;
- Forca të shumta policie pranë Bashkisë, Ministrisë së Infrastrukturës dhe selisë rozë.