Presidenca e Republikës së Kosovës ka publikuar një përmbledhje të vizitës së presidentes Vjosa Osmani në Washington D.C., ku ajo mori pjesë në takimin inaugurues të Bordit të Paqes, me ftesë të Presidentit të Shteteve të Bashkuara Donald J. Trump.
Sipas njoftimit presidencial, Kosova, si shtet bashkëthemelues përkrah SHBA-ve, u lartësua në arenën ndërkombëtare dhe u afirmua si vend në shërbim të paqes dhe sigurisë globale.
Gjatë takimit të Bordit të Paqes, Osmani diskutoi me Presidentin Trump dhe zyrtarë të kabinetit të tij. Ajo u prit gjithashtu në takim nga Sekretari amerikan i Shtetit Marco Rubio, me të cilin trajtuan hapa konkretë për forcimin e partneritetit strategjik Kosovë–SHBA, avancimin e integrimit të Kosovës në NATO si dhe bashkëpunimin në fushat e mbrojtjes dhe ekonomisë.
Takime me zyrtarë amerikanë
Osmani zhvilloi takime me:
- Brendan Hanrahan, zyrtar i lartë i Departamentit Amerikan të Shtetit;
- Charles McLaughlin, Drejtor i Lartë për Evropë dhe Rusi në Këshillin Kombëtar të Sigurisë dhe Këshilltar Special i Presidentit Trump;
- Daniel J. Lawton, Zëvendës Ndihmës Sekretar i Shtetit.
Takime me liderë ndërkombëtarë
Në kuadër të vizitës, presidentja u takua me figura të shquara si Tony Blair, ish-Kryeministër i Mbretërisë së Bashkuar, si dhe:
- Hamad bin Isa Al Khalifa, Emir i Bahreinit;
- Santiago Peña, President i Paraguajit;
- Ilham Aliyev, President i Azerbajxhanit;
- Prabowo Subianto, President i Indonezisë;
- Kassym-Jomart Tokayev, President i Kazakistanit;
- Shavkat Mirziyoyev, President i Uzbekistanit;
- Nicușor Dan, President i Rumanisë;
- Edi Rama, Kryeministër i Shqipërisë;
etj., duke rritur rolin e Kosovës në politikën globale.
Përditësime
Presidentja Vjosa Osmani u zotua të dërgojë trupa paqeruajtëse kosovare në Gazë. Presidenca publikoi detaje të reja nga vizita e saj në Washington për Bordin e Paqes:
- Takoi Kryeministrin e Katarit Mohammed bin Abdulrahman Al Thani.
- Takoi Kryeministrin e Pakistanit Shehbaz Sharif.
- Takoi Kryeministrin e Armenisë.
Vitin e kaluar, Kosova u njoh nga Kenia, Sudani, Siria dhe Bahamas, duke arritur totalin e 121 shteteve.