Presidenti i Shqipërisë, Bajram Begaj, ka dhënë një mesazh mbështetës për përfaqësuesen e Kosovës në ndeshjen vendimtare të Play-Off-it për Kupën e Botës 2026.
Në një postim në rrjetet sociale, ai shkruan se sonte “Me zemër jemi në Prishtinë” teksa shton “Forca Kosovë!”. Ndeshja luhet në Stadiumin Fadil Vokrri të Prishtinës, ku Kosova përballet me Turqinë për një biletë në grupet e turneut.
Kupa e Botës 2026 do të zhvillohet në SHBA, Kanada dhe Meksikë. Nëse Kosova mund Turqinë, do të sigurojë një biletë për në grupet e Botërorit.