Këtë të hënë, më 1 qershor 2026, Presidenti i Republikës, Bajram Begaj, dekretoi një sërë lëvizjesh në përfaqësitë diplomatike të vendit. Ndryshimet synojnë riorganizimin e përfaqësimit të Shqipërisë në disa shtete dhe organizata ndërkombëtare.
Sipas dekreteve presidenciale, nga detyra u liruan:
• Donika Hoxha, nga detyra si ambasadore jorezidente në Bosnjë dhe Hercegovinë (vazhdon të jetë ambasadore në Kroaci).
• Dastid Koreshi, nga detyra e ambasadorit pranë Misionit të Përhershëm të Shqipërisë në Këshillin e Evropës në Strasburg.
• Eglantina Gjermeni, nga detyra e ambasadores pranë Misionit të OSBE-së dhe organizatave ndërkombëtare në Vjenë.
Në të njëjtën kohë, Presidenti Begaj dekretoi emërimet e reja:
• Spiro Koçi, ambasador rezident në Bosnjë dhe Hercegovinë.
• Florian Nova, ambasador rezident në Egjipt dhe jorezident në Siri, Jordani, Libi, Palestinë, Liban dhe Sudan.
• Elvira Isufi, ambasadore rezidente në Suedi dhe jorezidente në Finlandë, Islandë dhe Norvegji.
• Dastid Koreshi, ambasador rezident pranë Zyrës së Kombeve të Bashkuara dhe organizatave të tjera në Gjenevë.
• Ermal Muça, ambasador në Japoni (rezident), i cili është ngarkuar edhe me detyrën e ambasadorit jorezident në Republikën e Koresë, duke iu shtuar akreditimeve në Filipine, Indonezi, Singapor dhe Malajzi.