Bajram Begaj, Presidenti i Republikës, u nis më 21 shkurt 2026 për një vizitë shtetërore dyditore në Jordani, me ftesë të Madhërisë së Tij, Mbretit Abdullah II.
Vizita zhvillohet në Amman dhe përfshin një agjendë takimesh me autoritetet e larta të Mbretërisë Hashemite të Jordanisë. Qëllimi kryesor është ngritja në një nivel tjetër e marrëdhënieve mes dy vendeve.
Kjo vizitë pason atë të Mbretit Abdullah II në Tiranë vitin e shkuar. Takimet dhe vizitat e ndërsjella të nivelit të lartë kanë dëshmuar vullnetin për forcimin e partneritetit dhe avancimin e agjendës së përbashkët të bashkëpunimit.
Vizita synon një hap të mëtejshëm drejt forcimit të bashkëpunimit dypalësh, me zgjerimin në fusha të tjera me interes të ndërsjellë.