Presidenti i Republikës, Bajram Begaj, priti më 16 prill 2026 Këshillin Koordinues të Diasporës në përfundim të Samitit të Katërt të tij.
Gjatë takimit, presidenti vlerësoi kontributin e tyre dhe të çdo shqiptari që, siç theksoi ai, përveç sfidave që hasin në një vend dhe kulturë tjetër, i janë përkushtuar promovimit të çështjes shqiptare.
"Atdhedashuria, ruajtja e identitetit dhe gjuha shqipe janë mision i çdo shqiptari. Mirënjohje për çdo shqiptar që ka misionin e Shqipërisë në zemër! Jemi bashkë në promovimin e vlerave tona kombëtare. Diaspora është fuqia dhe forca e kombit", theksoi Bajram Begaj.
Anëtarët e Këshillit Koordinues të Diasporës falënderuan presidentin për angazhimin e tij institucional dhe qasjen personale në forcimin e lidhjeve të diasporës me vendin amë dhe me njëri-tjetrin.