Presidenti i Republikës, Bajram Begaj, ka nisur më 18 janar 2026 një vizitë zyrtare treditore në Moldavi, me ftesë të presidentes Maia Sandu. Vizita zgjat deri më 20 janar 2026 dhe synon forcimin e marrëdhënieve diplomatike mes dy vendeve.
Më 19 janar 2026, Presidenti Begaj u prit me ceremoni shtetërore nga homologia e tij Maia Sandu. Dy krerët e shteteve zhvilluan një takim, ku diskutimet u përqendruan në marrëdhëniet dypalëshe, forcimin e lidhjeve ekonomike dhe mbështetjen reciproke në procesin e anëtarësimit në Bashkimin Europian.
Në përfundim të takimit, të dy presidentët do të mbajnë një konferencë të përbashkët për shtyp. Në një postim në rrjetet sociale, Presidenti Begaj falënderoi Maia Sandu për mikpritjen dhe theksoi: “Shqipëria mbështet Moldavinë si mike dhe partnere në vlerat e lirisë, demokracisë dhe përgjegjësisë së përbashkët për të ardhmen evropiane.”