Presidentja Vjosa Osmani ka mohuar se ka nisur fushatën zgjedhore në kuadër të vizitave në qytetet e Kosovës. Këto vizita ajo i ka quajtur takime falënderimi për përkrahjen e dhënë nga qytetarët gjatë mandatit të saj.
Ajo deklaroi: “Falënderoj qytetarët për përkrahjen, për dashurinë që na kanë dhënë, për faktin që kanë qenë pranë nesh çdo ditë përgjatë këtyre pesë viteve dhe për nderin e madh që ma kanë dhënë që t’i përfaqësoj ata brenda dhe jashtë, përgjatë këtyre viteve. Thjesht janë takime falënderimi siç i patë edhe shumë prej këtyre që sapo i patëm këtu.”
Këto deklarime presidentja Osmani i bëri pas akademisë përkujtimore në Mitrovicë, në nderim të jetës dhe veprës së Latif Berishës, i cili u vra nga serbët.
Ajo u pyet edhe për raportet me kryetaren e partisë GUXO, Donika Gërvalla, por refuzoi të përgjigjet.