Presidentja e Kosovës, Vjosa Osmani, ka uruar mësuesit me rastin e 7 Marsit, Ditës së Mësuesit. Në një postim në rrjetin social Facebook, ajo e përshkroi këtë ditë si festë të shpirtit të kombit tonë, i cili mbijetoi falë gjuhës shqipe.
Sipas presidentes, shkolla shqipe ka qenë akt qëndrese në shtëpi, bodrume dhe kushte sakrifice. Në kohë përndjekjesh, mësuesit shqiptarë nuk u dorëzuan dhe e mbajtën gjallë gjuhën, librin dhe ëndrrën e një kombi që donte të jetonte i lirë.
Osmani theksoi se nga banka e parë e shkollës deri te universitetet, misioni mbetet i njëjtë: të rrisim breza që e duan gjuhën, atdheun dhe lirinë. Prandaj, 7 Marsi është ditë mirënjohjeje dhe respekti për çdo mësues që, përmes dijes dhe përkushtimit, eduko brezat dhe forcon themelet e shtetit.
Në fund të mesazhit, presidentja Osmani u uroi të gjithë mësuesve: "Urime 7 Marsi!".