Ndeshja mes Prishtinës dhe Dukagjinit, e luajtur të hënën në stadiumin Fadil Vokrri në Prishtinë, ka përfunduar me barazim 1-1.
Të dy golat u shënuan në pjesën e parë brenda një minuti. Altin Merlaku, kapiten i Dukagjinit, kaloi skuadrën e tij në epërsi në minutën 10, duke përfituar nga një gabim në mbrojtjen e Prishtinës. Një minutë më vonë, sulmuesi Mario Ilievski barazoi rezultatin me një goditje të saktë me kokë.
Në pjesën e dytë, Prishtina ishte më kërkuese dhe krijoi më shumë raste, por nuk arriti të shënonte golin e fitores. Dukagjini u mbrojt me disiplinë dhe ruajti pikën në transfertë. Fundi i ndeshjes u përcoll me tensione mes lojtarëve të të dy ekipeve.
Ky është barazimi i dytë radhazi për Prishtinën, pas atij 2-2 ndaj Drenicës. Në tabelën e klasifikimit, Prishtina zë vendin e 3-rë me 43 pikë, 6 pikë pas Ballkanit të dytë dhe 11 pikë pas lideres Drita. Dukagjini mbetet i 6-ti me 35 pikë, ndërsa Gjilani ka 43 pikë në vendin e 4-të.