Më 15 prill 2026, në fshatin Pllanë të Lezhës, pranë lumit Mat, shërbimet e Komisariatit të Policisë Lezhës proceduan penalisht dy persona për ndotje mjedisore.
Pas një denoncimi për ndotje, policia ndërhyri menjëherë në vendngjarje dhe i konstatuan autorët në flagrancë duke djegur sasi të mëdha kabllosh, telash elektrikë dhe gomash.
Si rezultat, u identifikuan dhe shoqëruan shtetasit E. M., 27 vjeç, dhe R. D., 31 vjeç, të dy banues në Milot. Ndaj tyre nisi procedimi penal në gjendje të lirë për veprën penale "Ndotja e ajrit, ujërave dhe tokës".
Gjatë operacionit, policia sekuestroi dy furgonë që dyshohet se u përdorën për transportin e materialeve ndotëse, si dhe një sasi të tyre.
Materialet procedurale i referuan Prokurorisë së Lezhës për veprime të mëtejshme. Policia e Lezhës u bën apel qytetarëve të mos ndezin zjarre apo të djegin mbetje në mjedis dhe të denoncojnë çdo rast ndotjeje apo veprimtari të paligjshme që dëmton mjedisin dhe shëndetin publik.