Prokuroria pranë Gjykatës së Shkallës së Parë të Juridiksionit të Përgjithshëm Fier ka përfunduar hetimet mbi procedimin penal nr. 380 të vitit 2024 dhe ka dërguar për gjykim shtetasin Brian Dëma, punonjës të Njësisë së Posaçme Shqiponja në polici.
Ndaj tij rëndojnë akuzat për shpërdorim detyre, prodhim dhe shitje të lëndëve narkotike si dhe shtytje të të miturit në krim, parashikuar nga nenet 283/1, 248 dhe 129 të Kodit Penal.
Hetimet kanë provuar se Dëma ka rekrutuar nxënësin e mitur E.H., përdorues lëndësh narkotike me probleme familjare dhe vështirësi ekonomike. Duke përfituar nga pozita e tij si punonjës policie, i pandehuri fillimisht e përdori të miturin për informacione policore, por qëllimi kryesor ishte përfshirja e tij në shitjen e narkotikëve.
Veprimet janë kryer me dashje, duke përfshirë mospërmbushje të detyrës dhe cënim të interesave të shtetit, rendit publik dhe sigurisë së të miturit E.H..
Prokuroria thekson angazhimin për të vënë para përgjegjësisë ligjore punonjësit e shërbimit publik që kryejnë vepra penale kundër rendit, sigurisë publike dhe fëmijëve. Çështja i është kaluar gjykatës.