Prokuroria e Përgjithshme i ka dërguar një shkresë Komisionit Qendror të Zgjedhjeve (KQZ) në lidhje me kryetarin e Bashkisë së Kuçovës, Kreshnik Hajdari. Në këtë shkresë theksohet se ai rezulton i dënuar me vendim të formës së prerë në Greqi.
Dënimi në Greqi
Më 23 qershor 1999, Gjykata e Shkallës së Parë të Janinës e dënoi Hajdarin për hyrje në territorin grek pa leje. Atëherë ai ishte 17 vjeç dhe, si i mitur, iu vendos masa e riedukimit. Ky dënim nuk ishte deklaruar në formularët përkatës.
Dënimi në Shqipëri
Gjykata e Posaçme kundër Korrupsionit dhe Krimit të Organizuar (GJKKO) e shpalli fajtor Hajdarin për veprën penale të falsifikimit të vulave, stampave ose formularëve. Në seancën e 25 janarit 2024, gjykata zëvendësoi masën e burgut për një vit me 150 orë pune në shërbim publik.
Struktura e Posaçme Kundër Korrupsionit dhe Krimit të Organizuar (SPAK) e mori Hajdarin të pandehur dhe i komunikoi akuzën për falsifikim formularësh një ditë pasi KQZ nuk ia ndërpreu mandatin e kryebashkiakut. Prokuroria i kërkon KQZ-së të shqyrtrojë informacionin e dhënë.