Prokuroria ka kërkuar zgjatje me 3 muaj të hetimit për vrasjen e gjyqtarit Astrit Kalaja, të kryer më 6 tetor 2025 në sallën e gjyqit, menjëherë pas shpalljes së verdiktit në një proces civil mbi pronësinë.
Të dyshuarit Elvis Shkambi dhe Gjon Shkambi, nip e xhaxha me njëri-tjetrin, ndodhen në burg dhe akuzohen për "Vrasjen e funksionarëve publikë" të kryer në bashkëpunim, si dhe për "Vrasjen në rrethana të tjera cilësuese kundër dy ose më shumë personave". Prokurori ka kërkuar akt-ekspertizë nga policia shkencore për zbërthimin e telefonave të të dyshuarve. Nipi Elvis Shkambi nuk ka ankuar për masën e arrestit në burg, ndërsa xhaxhai Gjon Shkambi ka kërkuar lirinë në të gjitha gjykatat.
Familja e gjyqtarit Astrit Kalaja po përgatitet të drejtohet në gjykatën administrative për të detyruar shtetin të njohë statusin e dëshmorit. Fillimisht, ata e kishin kërkuar këtë status nga ish-ministri i Drejtësisë, por ende nuk është shpallur.