Prokuroria Speciale e Republikës së Kosovës ka njoftuar më 6 maj 2026 se ka ngritur aktakuzë ndaj tetë personave për veprën penale të krimeve lufte kundër popullsisë civile në Gjakovë.
Të akuzuarit M.K., V.M., D.R., Z.D., C.B., M.I., S.S. dhe S.K. dyshohen se nga 24 deri më 31 mars 1999, në Gjakovë, gjatë një operacioni të gjerë, kanë vepruar në bashkëkryerje dhe në koordinim me struktura policore, ushtarake dhe paramilitare serbe. Sipas aktakuzës, ata kanë kryer:
- vrasje të popullsisë civile;
- dëbim të popullsisë civile;
- shkatërrim dhe plaçkitje të pronës së tyre.
Në njoftim thuhet se ekziston dyshimi i bazuar mirë se gjatë këtij operacioni u vranë 65 civilë dhe u zhduken 12 civilë.
Prokuroria, në bazë të neneve 234 dhe 303 të Kodit të Procedurës Penale, i ka propozuar Gjykatën Themelore në Prishtinë mbajtjen e gjykimit në mungesë, pasi të pandehurit janë të paarritshëm për organet e drejtësisë.
Prokuroria mbetet e përkushtuar në ndjekjen e rasteve të krimeve të luftës, në përputhje me standardet ndërkombëtare, për të siguruar drejtësi për viktimat dhe për të forcuar sundimin e ligjit.