Partia Socialiste prezantoi katër variante për reformën e re territoriale në mbledhjen e zgjeruar qeveri-grup parlamentar të shtunën në Pallatin e Brigadave. Prezantimin e bëri bashkëkryetari i komisionit të reformës territoriale, Arbjan Mazniku.
Varianti i parë parashikon bashkimin e bashkive të vogla me ato të mëdha fqinje. Variant i dytë krijon bashki të mëdha në nivelin e ish-rretheve, duke ulur numrin e bashkive nga 61 në 36. Variant i tretë ruan 61 bashkitë ekzistuese, por rolin ekzekutiv e luan qarku, me zgjedhje të drejtpërdrejtë të kryetarit të qarkut nga qytetarët. Variant i katërt propozon krijimin e katër rajoneve me konsolidimin e bashkive të vogla.
Në një prononcim nga Maliqi, kryetari i Kuvendit, Niko Peleshi, deklaroi se këto variante do të hidhen për diskutim në tryezë. Ai theksoi se do të dëgjohen propozimet e Partisë Demokratike dhe qëllimi është një reformë sa më konsensuale. Peleshi garantoi se opsionet synojnë të bëjnë bashkitë më funksionale, në mbështetje të anëtarësimit të Shqipërisë në BE.
Si kryetar i Kuvendit, Peleshi premtoi të krijojë një klimë pozitive për bashkëpunimin mes palëve politike. I pyetur për përçarje brenda PS, ai i hodhi poshtë ato si thashetheme.