Paris Saint-Germain ka nisur planifikimet për përforcimet në sezonin e ardhshëm, me Julian Alvarez si objektiv prioritar nga Atlético Madrid. Sulmuesi argjentinas, kampion botëror, konsiderohet profili ideal për repartin ofensiv të klubit francez.
Trajneri Luis Enrique është admirues i Alvarez-it dhe kishte tentuar ta transferonte në Paris dy vite më parë, por lojtari zgjodhi Atlético Madrid-in. Burime pranë futbollistit tregojnë se një largim në verë është i mundur, duke tërhequr interesin e klubeve të mëdha europiane.
Për PSG-në, konkurrenca është e fortë nga Arsenal dhe Barcelona. Megjithatë, prania e Luis Enrique-së, stili i lojës së tij dhe projekti ambicioz i klubit mund ta bindin Alvarez-in. Trajneri spanjoll është pranë rinovimit të kontratës për katër vite dhe pas finales së UEFA Champions League do të fokusohet në merkato.
Një faktor tjetër është largimi i mundshëm i Gonçalo Ramos-it, që shtyn PSG-në të kërkojë zëvendësues. Alvarez dallohet për fleksibilitetin dhe aftësinë për të luajtur në çdo pozicion sulmues. Pavarësisht sezonit pa trofe te Atlético Madrid, ai ka regjistruar 20 gola dhe 9 asistime në të gjitha kompeticionet.
Klubi parisien pret të mbyllë sezonin me suksese në Ligue 1 dhe Champions League para se të nisë negociatat.
Përditësime
Atlético Madrid kërkon 200 milionë euro për sulmuesin argjentinas Julian Alvarez-in, i cili ka kontratë deri në 2030.
PSG ka nisur kontakte me Atlético Madrid për transferin e Julian Álvarez.
Të afërmit e sulmuesit argjentinase kanë kontaktuar PSG, Arsenal dhe Barcelona.
Atlético Madrid e konsideron Álvarez-in të paprekshëm.